මේගන්ට - හැරී කුමරුට කුමාරයෙක්


92 Views

සසෙක්ස්හි ආදිපාදවරිය වන මේගන් මාකෙල් ආර්යාව අද (6) පුතකුට උපත දුන් බව ඇයගේ ස්වාමි පුරුෂයා වන බ්‍රිතාන්‍යයේ හැරී කුමරු නිවේදනය කළේය.

බටහිර ලන්ඩනයේ වින්ඞ්සර් මාලිගාව ඉදිරිපිටට රැස්ව සිටි මාධ්‍ය හමුවට පැමිණ හැරී කුමරු ඒ බව නිවේදනය කළේය.

“අම්මාත් දරුවාත් ඉතාමත් හොඳින් ඉන්නවා. මට ගොඩක් සතුටුයි. අපිට පුංචි පුතෙක් ලැබුණා” ප්‍රීතියෙන් උද්දාමයට පත්ව සිටි හැරී කුමරු පැවැසීය.
“මේක තමයි මගේ ජීවිතයේ ලබපු සුවිශේෂී අත්දැකීම” යැයි ද ඔහු කීවේය.

කුමරු රජ කිරුළ හත්වැනි උරුමකරුවා බවත් උපත ලබන විට කුමරුගේ බර පවුම් හතක් සහ අවුන්ස තුනක් වූ බවත් බකිංහැම් මාලිගය නිවේදනය කළේය.

Make a Comment
Make a Comment